കൊച്ചി: നിയമസഭാ തെരഞ്ഞെടുപ്പ് മുന്നില്ക്കണ്ട് താഴേത്തട്ടില് പ്രവര്ത്തനം കാര്യക്ഷമമാക്കാന് ബിജെപി. ഇതിനായി 90 ദിവസത്തെ കാര്യപരിപാടികള് തയാറാക്കി അതാത് മേഖലകളില് നേതാക്കളും പ്രവര്ത്തകരും പൂര്ണസമയം പ്രവര്ത്തിക്കണമെന്ന് ബിജെപി ദേശീയ അധ്യക്ഷന് നിതിന് നബിന് നിര്ദേശം നല്കി.
പാലാരിവട്ടം റിനൈ ഹോട്ടലില് നടന്ന ബിജെപി സംസ്ഥാന ഭാരവാഹികളുടെയും നിയമസഭാ തെരഞ്ഞെടുപ്പ് പ്രഭാരിമാരുടെയും യോഗത്തിലാണ് ദേശീയ അധ്യക്ഷന് ഇതുസംബന്ധിച്ച നിര്ദേശം നല്കിയത്.
സംസ്ഥാന പ്രസിഡന്റ് രാജീവ് ചന്ദ്രശേഖറിന്റ അധ്യക്ഷതയില് നടന്ന യോഗത്തില് ദേശീയ സെക്രട്ടറിയും തെരഞ്ഞെടുപ്പ് പ്രഭാരിയുമായ വിനോദ് താവ്ഡെ, സഹ പ്രഭാരിയും കേന്ദ്രമന്ത്രിയുമായ ശോഭ കരന്തലജെ , സംസ്ഥാന പ്രഭാരി പ്രകാശ് ജാവദേക്കര്, സംസ്ഥാന ജനറല് സെക്രട്ടറിമാരായ എം.ടി. രമേശ്, ശോഭ സുരേന്ദ്രന്, അഡ്വ. എസ് സുരേഷ്, അനൂപ് ആന്റണി, നേതാക്കളായ പി.കെ. കൃഷ്ണദാസ്, വി. മുരളീധരന്, കെ. സുരേന്ദ്രന്, സി.കെ. പത്മനാഭന്, കുമ്മനം രാജശേഖരന്, കേന്ദ്രമന്ത്രി ജോര്ജ് കുര്യന്, എ.എന്. രാധാകൃഷ്ണന്, എ.പി. അബ്ദുള്ളക്കുട്ടി, സി. കൃഷ്ണകുമാര്, ഷോണ് ജോര്ജ്, പത്മജ വേണുഗോപാല് തുടങ്ങിയവരും പങ്കെടുത്തു.
ബിജെപി കോര് കമ്മിറ്റി യോഗത്തില് പങ്കെടുത്ത നിതിന് നബിന് എന്ഡിഎ ഘടകകക്ഷി നോക്കളായ തുഷാര് വെള്ളാപ്പള്ളി, സാബു എം. ജേക്കബ്, കെ.ടി. തോമസ്, വിഷ്ണുപുരം ചന്ദ്രശേഖരന്, കുരുവിള മാത്യു തുടങ്ങിയവരുമായും കൂടിക്കാഴ്ച നടത്തി.
E-paper LOGIN
LOGIN
